Інжынера "Белтэлекама" асудзілі на шэсць з паловай гадоў за завалоданне персанальнымі дадзенымі сілавікоў

Пра вынік суда стала вядома камандзе MAYDAY TEAM.

Дзмітрый Каханоўскі — інжынер-сістэматэхнік Магілёўскага аддзялення "Белтэлекама”, быў затрыманы на працоўным месцы 28 кастрычніка 2021 года. Мае дзіця.

Згодна з абвінавачваннем, мужчына нібыта “здабываў з базы асабістыя дадзеныя сілавікоў, дзяржслужачых, суддзяў”. Следства сцвярджае, што ўсяго было 46 падобных эпізодаў. Дзмітрый быў змешчаны ў СІЗА-1, на пачатку лістапада 2022 г. пераведзены ў віцебскі СІЗА-2.

3 студзеня 2023 г. КДБ уключыў палітвязня ў спіс "асоб, якія маюць дачыненне да тэрарыстычнай дзейнасці".