Лялечны тэатр у Беразіно паказвае спектаклі пра пажар у дзіцячых садках

Кожнае мерапрыемства пачынаецца з гутаркі інспектара прапаганды аб мерах бяспекі, затым дзеткі глядзяць спектакль «Зайкіна хатка». Самае важнае – не забаўляльны момант мерапрыемства, а павучальны: дзеткі выдатна разумеюць, чаму загарэлася хатка Зайкі. А яшчэ малыя вучацца дабрыні і спагадзе, калі бачаць, што ўсе персанажы дружна будуюць Зайку новую хатку пасля пажару. 

Але ж спектакль – яшчэ не ўсе: пасля прадстаўлення дзеткі разгадваюць загадкі і гуляюць у павучальныя гульні, паведамілі у прэсавай службе МНС. 

Тэатр «Пятрушка» многа гадоў працуе на базе Цэнтральнай раённай бібліятэкі. Сюды прыходзяць займацца школьнікі сярэдніх класаў, а з нядаўняга часу калектыў супрацоўнічае з раённым аддзелам па надзвычайных сітуацыях.