Выпадкі, калі кіроўцы аўтамабіляў забываюць дастаць заправачны пісталет з бензабака, адбываюцца даволі часта.
Здарэнні праходзяць па аднолькавай схеме. Сённяшні выпадак, які адбыўся раніцай на адной з мінскіх заправак, толькі чарговы раз гэта пацвярджае: кіроўца Mercedes усталяваў пісталет ў гарлавіне бака, потым стаў нешта шукаць у кішэнях, сеў за руль, завёў рухавік, націснуў на педаль газу… Як толькі ён заўважыў, што нешта здарылася, адразу спыніўся. Да яго падышоў супрацоўнік АЗС і яны разам сталі разглядаць пашкоджанні.
Страхавыя кампаніі кампенсуюць урон заправачным станцыям, але потым рахунак выставяць віноўніку ДТП. За пашкоджанне пісталета, шланга, трубы, сістэмы рэкуперацыі, корпуса калонкі даводзіцца плаціць немалыя грошы, часам больш за 10 мільёнаў рублёў.
Згодна са статыстыкай «Белоруснефть-Минскавтозаправка» толькі на 26 мінскіх запраўках яны штогод фіксуюць да 70 такіх паломак абсталявання. Бывалі выпадкі, калі кіроўцы аўтамабіляў з’яжджалі з месца здарэння, але, дзякуючы таму, што на ўсіх аўтазапраўках вядзецца відэаназіранне, уцекачоў удавалася даволі хутка знаходзіць.
Добро пожаловать в реальность!