7 лістапада адбылася прэзентацыя новага кліпа гурта «Ляпіс Трубяцкога» — «Не быць скотам».
Гэта першы сінгл з будучага альбома «Ляпісаў» і першая песня ў гісторыі забароненага ў Беларусі гурта, напісаная яе лідарам на верш другога аўтара — Янкі Купалы («Хто ты гэткі», 1908).
У кліпе паказаныя беларусы стагоддзя таму -- у пачатку ХХ ст.: рабочыя, сяляне, інтэлігенцыя, салдаты. Яны не жадаюць быць скотам. У відэа кідаюць кактэйль Малотава ў панскі палац. Сканчаецца відэашэраг кадрамі пад бел-чырвона-белым сцягам.
Новы альбом мае выйсці ў 2012 годзе.
«Я не хачу быць бязмоўнай скацінай, жуйнай жывёлай, раўнадушнай да ўсяго, што адбываецца ў Беларусі», — кажа Сяргей Міхалок.
Нагадаем, што ў Беларусі Сяргея Міхалка палохалі крымінальнай справай за знішчальную крытыку Лукашэнкі ў сваіх інтэрв'ю.
Добро пожаловать в реальность!