Куды сыходзяць народныя грошы? Маштабнае добраўпарадкаванне Жодзіна ў лічбах

Жодзіна актыўна мяняе сваё аблічча, і робіцца гэта, як сцвярджаюць афіцыйныя справаздачы, за кошт саміх гараджан. У першым паўгоддзі 2026 года падчас суботнікаў было сабрана 556 419 рублёў, з якіх больш за 418 000 ужо выдаткавана. Вось агляд самых дарагіх навінак горада, каб вы маглі пабачыць, колькі каштуе гэтая «прыгажосць».

Галерэя выдаткаў: Колькі каштуюць новыя аб'екты?

1. Светлавыя «адуванчыкі»: тротуарная дарожка, асвечаная гэтымі канструкцыямі, абышлася ў 40 800 рублёў.

2. На новыя баскетбольную і валейбольную пляцоўкі з гумовым пакрыццём выдаткавана 81 663 рублі.

3. Канструкцыя з надпісам «Жодзіна» і сімвалам БЕЛАЗа каштуе 25 000 рублёў.

4. Арэлі-пергала ацэнены ў 29 988 рублёў.

5. Каваная «Сям'я мядзведзяў» каля падземнага пераходу каштавала 16 500 рублёў, а «Конь з бочкай» у парку — 13 000 рублёў.

6. Падстаўка для электрабуса: хоць сам макет электрабуса — гэта падарунак, на постамент і добраўпарадкаванне пляцоўкі вакол яго патрацілі 26 638 рублёў.

7. Дарагая «інтрыга»: цвяточны аб’ект «Жанчына міру», месца ўстаноўкі якога пакуль не называюць, абышоўся ў 16 000 рублёў.

Таксама у парку ідзе падрыхтоўка падмурка загадкавай пляцоўкі для актыўнага адпачынку — на 2 000 кв. м абяцаюць усталяваць розныя гульнявыя элементы. Кошт гэтай лакацыі - 173 000 рублёў.

А на ўкладку пліткі сцэнічнай пляцоўкі сёлета выдаткавана 21 900 рублёў. Тут устаноўлена 200 светлавых кропак, якія ўманціраваны ў плітку, а на добраўпарадкаванне пешаходных дарожак да гэтай пляцоўкі выдаткавана 187 000 рублёў.

Пытанне без адказу

Горад сапраўды напаўняецца новымі элементамі: ад «Вежлівага ліхтара» за 4 500 рублёў і «Браво, Пушкин» за 6 800 руб да маштабных уваходных груп у парк, на якія накіруюць 79 500 рублёў. У планах яшчэ шмат ініцыятыў, бо на рахунках застаецца каля 246 137 рублёў.

Ці з'яўляюцца дарагія каваныя фігуры прыярытэтам для ўсіх жыхароў, альбо людзі аддалі б перавагу іншым праектам? Пакуль што жодзінцам застаецца толькі прымаць той вынік, які вызначылі за іх.