Чытач EX-PRESS.BY днямі з Жодзіна з'ездзіў у Менск грамадскім транспартам і быў вельмі ўражаны дабітымі аўтобусамі, якія ламаюцца па дарозе.
Вось што ён піша:
— Звычайна я ўсе дні за рулём свайго аўтамабіля. А тут у Менск ездзілі з жонкай. Еду і думаю, якія дабітыя аўтобусы на маршруткі ставяць. Недагледжаныя, сядзення выцертыя. Брыдка ехаць. Вадзіцелі так сама панурыя нейкія. Жонка кажа, што калі прыватнікі вазілі на дагледжаных мiкрыках, дык прыемна было ехаць. Але нешта я нічога добрага не заўважыў.
Вяртаючыся дадому, яны пайшлі на прыпынак барысаўскіх маршрутак, бо ведалі, што там часам прыватныя пападаюцца:
— Але не дачакаліся, селі ў такую самую калымагу, як жодзінская, але на Барысаў. Толькі з Менску выехалі, зламаўся. Жонка кажа, што ў іх зараз гэта штатнае здарэнне.
Падняў кіроўца капот, павазіўся і сказаў, што будуць другія аўтобусы забіраць пасажыраў да Барысава. Забіралі па 5 чалавек, ехалі стоячы, бо ўсе сядзячыя месцы былі заняты:
— Апошні раз я ездзіў у Менск маршруткай год таму, было суцэль прыстойна. Тое, што змянілася за гэты год, мяне вельмі ўразіла. Усё робяць, каб людзям горш жылося.... Пытанне: нашто прыватнікам не далі працаваць?
Хочаце падзяліцца меркаваннем? Пішыце: @ex_presslive
Добро пожаловать в реальность!