«Якасць апрацоўкі курэй апошнім часам дужа пагоршылася. Па-першае, куры зараз у краме невялічкага памеру, па-другое — цана падрасла, ну і па-трэцяе — глядзіце фота», — напiсала EX-PRESS.BY жыхарка Жодзiна.
— Мне, як і вельмі шмат якім беларусам, даводзіцца зараз вельмі моцна эканоміць і асабліва старанна сачыць за тым, якія прадукты купляю. Вельмі не хочацца выкідваць тое, за што плаціш апошнія грошы. І, вядома, я хачу, каб ежа была якаснай і смачнай, прыносіла задавальненне, — кажа яна.
Вось вырашыла купіць курыцу, меркавала: голень, крылы, бёдры і грудку замарыную і запяку, а можа і шашлык на дачы зробім, з хрыбта будзе суп. Пайшла ў краму — самыя танныя куры «Пятруха» ў магазінах «Хіт» былі на пачатку лета 5,49, зараз — 5,79 рублёў.
— Кошт гэтай куры — 9 рублёў 18 капеек, — піша жанчына. — Не гледзячы на дрэнную якасць, назад не панясу, бо забрала перадапошнюю. Там засталося зусім малое птушаня.
Заметили что-то необычное, смешное или возмутительное? Присылайте в наш telegram-бот.
Добро пожаловать в реальность!