13 мая адзначаецца 102-я гадавіна пачатку аб’яўленняў Маці Божай тром пастушкам у партугальскай Фаціме. Як вядома, гэтыя аб’яўленні адбываліся да кастрычніка 1917 года.
Урачыстай святой Імшой адзначылі жодзінскія католікі гэта свята у нядзелю.
Кусташ парафіі Жодзіна Михаил Цвячкоўскі і ксендз Юзеф Пятушка правялі cвятую імшу.
Грунтуючыся на гістарычных фактах, кусташ парафіі Міхаіл Цвячкоўскі распавёў, да якіх наступстваў прывяло чалавецтва прытрымліванне камуністычнай ідэалогіі, а не хрысціянскім каштоўнасцям.
Фацімскае пасланне Марыі — гэта найперш пасланне народам Усходняй Еўропы, у тым ліку Беларусі, якая ўваходзіла ў склад былой Расійскай Імперыі. Маці Божая, якая явілася тром пастушкам, сказала: «Маліцеся за Расію!» Дзеці нават не зразумелі, хто такая Расія, а пазней даведаліся, што гэта краіна. Трагедыі XX стагоддзя, у тым ліку ў галіне свабоды веравызнання (цягам трох пакаленняў касцёл быў цалкам зруйнаваны, людзі выкінулі Бога з свайго жыцця) — усе гэтыя наступствы мы адчуваем да сённяшняга дня. Марыя прадбачыла гэта і 102 гады таму ў далёкай Фаціме дала чалавецтву надзею на духоўнае адраджэнне.
Урачыстая працэсія з фігурай Фацімскай Божай маці і малітвай прайшла на тэрыторыі касцёла.
У святочнай працэсіі прынялі ўдзел і дарослыя, і дзеці — усе, хто прыйшоў у гэты дзень у касцёл на ўрачыстасць.
Намеснік старшыні Жодзінскага выканкаму Сяргей Конан звярнуўся да вернікаў на прыгожай беларускай мове, падзякаваў за запрашэнне на свята. Ён распавёў пра тое, што не пазней восені на ўездзе ў горад будзе ўсталяваная Постаць Маці Божай, сродкі на якую збіралі гараджане, у ліку якіх і прыхаджане жодзінскіх храмаў.
102 паветраных шара у гонар 102 гадавіны Фацімскіх аб'яваў адпусцілі ў неба дзеці.
У гэты ж дзень у Дольная часткі Касцёла Фацімскай Божай Маці ў Жодзіна адкрылася выстава, прысвечаная манаскаму Ордэну Айцоў-марыянаў, якія служаць у касцёлах Жодзіна, Барысава, Оршы, Мінска і іншых парафій у Беларусі і за яе межамі. Наведаць гэтую выставу можа кожны гараджанін і Жодзіна.
Добро пожаловать в реальность!