З Сусьветным днём навакольнага асяроддзя! (З нагоды сьвята - зварот + падарункі)

кладзем іх у скрыню, абматаўшы паперай (каб не пабіліся ў дарозе):

потым пішам зварот прыкладна наступнага зьместу:

"Начальніку Барысаўскай раённай інспэкцыі
прыродных рэсурсаў і аховы навакольнага асяроддзя

вул. Чапаева, д. 49а, 222518, г. Барысаў, Мінская вобласьць

5 чэрвеня ва ўсім сьвеце адзначаецца Сусьветны дзень навакольнага асяроддзя. У гэты дзень Генэральная Асамблея ААН заклікае дзяржавый арганізацыі праводзіць мерапрыемствы, якія пацьвярджаюць іх імкненьне да захаваньня й паляпшэньня навакольнага асяроддзя.

Барысаўская раённая інспэкцыя прыродных рэсурсаў і аховы навакольнага асяроддзя зьдзяйсьняе дзяржаўнае рэгуляваньне й кантроль у галіне навакольнага асяроддзя, курыруе пытаньні экалягічнай бясьпекі, іншым чынам садзейнічае захаваньню прыроднай чысьціні і прыгоднага асяроддзя для існаваньня чалавека.

Праблемы перапрацоўкі й захаваньня бытавых адкідаў неаднарозова ўздымалісь на самым прадстаўнічым узроўні ў Рэспубліці Беларусь. Аднак дасюль шмат праблемаў не вырашана, і ня бачна, каб яны вырашаліся.

Так, у цяперашні час насельніцтвам актыўна выкарыстоўваюцца энэргаашчадныя лямпачкі, утылізацыя якіх патрабуе адпаведнага рашэньня. Па той інфармацыі, якую я чытаў у сроках масавай інфармацыі, прадпрыемства па ўтылізацыі энэргаашчадных лямпачак павінна было быць пабудавана ў г. Жодзіна ячшэ ў 4 квартале 2012 г. Аднак дасюль няма ні прадпрыемства, ні хоць бы аднаго пункта прыёму лямпачак, якія ўтрымліваюць ртуць.

У выніку грамадзяне выкідваюць шкодныя лямпачкі ў звычайныя сьметніцы, чым наносяць шкоду навакольнаму асяроддзю, а таксама ненаўмысна зьдзяйсьняюць адміністратыўнае правапарушэньне.

Дасылаю Вам тры лямпачкі, якія за апошні час карыстаньня выйшлі са строю, і якія я ня знаю куды падзець. Спадзяюсь, што мой крок ня выклікае ў Вас непаразуменьня, а будзе садзейнічаць таму, каб у г. Барысаве ў хуткім часе пачаў працаваць хоць бы адзін пункт прыёму скарыстаных энэргаашчадных лямпачак.

Віншую Вас і калектыў Барысаўскай раённай інспэкцыіпрыродных рэсурсаў і аховы навакольнага асяроддзя зь Сусьветным днём навакольнага асяроддзя".

і дадаем яго ў скрыню:

усё гэта нясем на пошту й накіроўваем адрасату:

Зь Сусьветным днём навакольнага асяроддзя, сябры!