«Вельмi спадабалася падарожнiчаць па роднай краіне. Дасылаю i вам гэту прыгажосць», — EX-PRESS.LIVE напісала сталая чытачка і даслала фотаздымкі са сваіх вандровак па любiмай Беларусі. Яна наведала сядзібу Тадэвуша Касцюшкі, замак Пуслоўскіх i Альшанскi.
Музей-сядзіба, у якой нарадзіўся Тадэвуш Касцюшка
Музей-сядзіба Тадэвуша Касцюшкі знаходзіцца ва ўрочышчы Мерачоўшчына каля Косаўскага Палаца. Мемарыяльны музей прысвечаны герою і палітычнаму дзеячу Тадэвушу Касцюшку, знаходзіцца ля гораду Косава ў Івацэвіцкім раёне Брэсцкай вобласці.
 |
 |
Дарэчы, фінансаванне рэканструкцыі вялося Брэсцкім аблвыканкамам і амбасадай ЗША ў Беларусі. Дом быў пабудаваны на падмурку XVIII стагоддзі па малюнках XIX стагоддзі за сем з паловай месяцаў. Ён стаў дакладнай копіяй сядзібы, у якой нарадзіўся Касцюшка.
 |
 |
Палац Пуслоўскіх
Жанчына таксама наведала замак Пуслоўскіх. За ўваход у кожны аб'ект аддала па 15 рублёў, гэта каля 3 еўра.
— Даволі прымальны кошт. Калі параўноўваць з коштам уваходу ў некаторыя аб'екты ў Еўропе, то цалкам нармальна, не б'е па кішэні, — кажа яна.
Палац вельмi ўразіў беларуску:
— Сярод гасцей палаца можна пералічыць мноства вядомых асоб, у тым ліку літаратара, музыканта і мастака Напалеона Орду, пісьменнікаў Генрыка Сянкевіча і пiсьменнiцу Элізу Ажэшку, маршала Юзэфа Пілсудскага, гісторыка і пісьменніка Вацлава Ластоўскага.
Дзякуючы малюнкам Напалеона Орды, сёння мы ведаем, як выглядаў палац падчас Пуслоўскіх.
Архітэктурны стыль палаца быў вызначаны як рэтра-готыка. Ансамбль нагадвае хутчэй абаронны аб'ект, чым палац. Таму яго часта называюць «маленькі замак». Кожная з 12 веж васьмікутнай формы сімвалізуе адзін з месяцаў года. Вышэй, чым астатнія, чатыры вежы, размешчаныя ў цэнтры, прызначаныя для ўраджайных траўня, чэрвеня, ліпеня і жніўня. Найбольш высокімі з'яўляюцца тыя, якія сімвалізуюць ліпень і жнівень.
Палац меў 132 памяшканні, ніводнае з якіх не было падобна на іншае. У ім было мноства раскошных залаў, і кожная з іх мела сваю ўласную назву і спецыяльнае прызначэнне.
Палац моцна разбурылі падчас Першай сусветнай вайны, але самыя вялікія разбурэнні пабудовы атрымалі падчас Другой сусветнай вайны, хаця акупанты не кранулі палац. На яго тэрыторыі і ў горадзе былі створаны 4 гета, у якіх было знішчана практычна ўсё яўрэйскае насельніцтва Косава, з-за чаго колькасць яго жыхароў зменшылася ў сем разоў.
Чорны замак Альшанскі
– А яшчэ шыкоўнае месца — замак Альшанскі, пабудаваны Паўлам Сапегам у першай палове XVII стагоддзя. Мне там вельмi падабаецца. Раю наведаць, — кажа беларуска.
 |
 |
Замак, на жаль, зараз у моцна разбураным стане. Ён знаходзіцца ў аграгарадку Гальшаны Ашмянскага раёна.
Як кажуць, лепш убачыць гэта на ўласныя вочы! Падарожнічайце па роднай краіне, яна вельмi цiкавая i прыгожая.
Даслаць фота: @ex_presslive
Добро пожаловать в реальность!