Праект EX-PRESS.BY намінаваны на прэмію RADA AWARDS

Праект EX-PRESS.BY #mnenevseravno намінаваны на прэмію RADA AWARDS («Экалагічная моладзевая ініцыятыва/праект»). 

Прэмія RADA AWARDS'19 была заснаваная Беларускім нацыянальным моладзевым саветам «РАДА» і ўручаецца маладым актывістам і актывісткам, ініцыятывам і праектам. 

Для EX-PRESS.BY гэта мае вялікае значэнне. Каардынатарам акцыі #mnenevseravno вельмі прыемна быць адзначанымі, а яшчэ больш важна, каб праект працягваўся, людзі ўдзельнічалі, задумваліся пра навакольнае асяроддзе, стан прыроды, сваё здароўе і здароўе сваіх блізкіх. 

Сёлета прэмія ўручацца па 11 намінацыях: 

• «Экалагічная моладзевая ініцыятыва/праект». 

• «Моладзевая ініцыятыва/праект у сферы сацыяльнага прадпрымальніцтва».

• «Рэгіянальная моладзевая ініцыятыва/праект». 

• «Моладзевая ініцыятыва/праект у сферы мастацтва». ⠀ 

• «Моладзевая ініцыятыва/праект у сферы захавання беларускай культуры і гістарычнай спадчыны».⠀ 

• «Адукацыйная моладзевая ініцыятыва/праект». ⠀ 

• «Моладзевы медыйны праект». ⠀ 

• «Моладзевая ініцыятыва/праект у сферы гендара». ⠀ 

• «Моладзевая ініцыятыва/праект у сферы правоў чалавека».⠀ 

• «Прыз глядацкіх сімпатый». 

• «Вечны рухавік у моладзевым сектары».

Хто перамог, даведаемся 20 снежня ў Культурным цэнтры КОРПУС.