Святар Барысаўскай епархіі протаіерэй Аляксандр Пачэпка прыняў удзел у перакладзе Святога Пісання Новага Запавету на сучасную беларускую мову.
Пра гэта паведаміла прэсавая служба епархіі.
«Новы Запавет Госпада Нашага Ісуса Хрыста» – плён саборнай перакладчыцкай дзейнасці членаў Біблейскай камісіі Беларускай Праваслаўнай Царквы, якія распачалі гэтую працу 25 гадоў таму па благаслаўленні Мітрапаліта Мінскага і Слуцкага Філарэта (Вахрамеева) (цяпер – Ганаровага Патрыяршага Экзарха ўсяе Беларусі).
Над перакладам працавалі: протаіерэй Сергій Гардун, кандыдат багаслоўя; протаіерэй Аляксандр Пачэпка, бакалаўр багаслоўя; Чарота Іван Аляксеевіч, доктар філалагічных навук; Васілевіч Уладзімір Аляксандравіч, кандыдат філалагічных навук, Кароль Алесь Віктаравіч, кандыдат багаслоўя, Матрунчык Таццяна Аляксееўна, выканаўчы сакратар.
Пераклад зроблены з старажытнагрэцкага тэксту, традыцыйна ўжытнага ў Праваслаўнай Царквы. У працэсе сваёй працы Біблейская камісія ўважліва аналізавала і ўлічвала ранейшыя спробы перакладу Святога Пісання на беларускую мову (працы Л. Дзекуць-Малея, В. Гадлеўскага, Я. Станкевіча, П. Татарыновіча, В. Чарняўскага, М. Міцкевіча, В. Сёмухі, А. Клышкі). Выкарыстоўваліся таксама розныя пераклады Бібліі на рускую, украінскую, польскую, англійскую і іншыя мовы.
Выданне «Новага Запавету» ажыццёўлена пад агульным кіраўніцтвам Выдавецкага савета Беларускай Праваслаўнай Царквы пры ўдзеле Біблейскага таварыства ў РБ і ТАА «Медыя». Кніга надрукавана накладам 6 тысяч асобнікаў у добрым паліграфічным афармленні. Тэкст надрукаваны ў дзве фарбы, маюцца графічныя застаўкі з традыцыйнымі для кожнай з кніг Новага Запавету сюжэтамі.
Частка накладу — 500 асобнікаў — выдадзена ў скураной вокладцы з залатым абрэзам. Надрукавана кніга ў Польшчы ў праваслаўнай друкарні «Orthdruk», што ў Беластоку.
Настаяцель царквы Св. Мікалая ў вёсцы Вялікая Ухалода Барысаўскага раёна протаіерэй Аляксандр Пачэпка апрача духоўнай мае свецкую адукацыю філолага. У 1985 годзе ён скончыў Беларускі дзяржаўны ўніверсітэт. Яго казанні на беларускай мове можна часта пачуць на Беларускім радыё.
Подпишитесь на
канал ex-press.live
в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Добро пожаловать в реальность!
Если вы заметили ошибку в тексте новости, пожалуйста, выделите её и нажмите
Ctrl+Enter