Пераможцам стаў Гедымінас Пекурс. Яго скульптурная камазыцыя з двума чэрапамі на слупе заняла першае месца, піша Свабода.
Адзін з сябраў журы, культурніцкі журналіст Валдас Пуцейкіс так ахарактарызаваў працу пераможцы: «надзвычай запамінальны, сьвежы, наватарскі і без скульптурных клішэ аб сьмерці і неўміручасьці. Здаецца, ён трансфармуе шэкспіраўскі міт пра Рамэа і Джульету, нагадваючы лёс Барбары і Жыгімонта, каханьне, сьмерць і жыцьцё паміж імі».
На думку Пуцейкіса, у помніку дасягаецца адзінства дзяржаўнасьці і інтымнасьці. Твор мае ў роўнай меры як нацыянальныя, гэтак і касмапалітычныя рысы, перакананы журналіст.
Барбара Радзівіл была другой жонкай вялікага князя літоўскага Жыгімонта Аўгуста. Шлюб яны ўзялі патаемна, насуперак магнатам і шляхце, незадаволенай ростам уплывовасьці Радзівілаў. У хуткім часе пасьля каранацыі Барбара памерла. Некаторыя гісторыкі лічаць, што яе атруцілі.
У мастацкім конкурсе ўзялі ўдзел 16 аўтараў, у тым ліку два творчыя дуэты. Было пададзена 25 прапаноў.
Добро пожаловать в реальность!