У параўнанні з мінулым годам рублёвыя адлічэнні павялічацца ў 8 разоў.
Сёлета з рэспубліканскага бюджэту ў рэзервовы фонд прэзідэнта будзе пералічана 2,17 трыльёна рублёў. Такія лічбы прыводзяцца ў законе «Аб рэспубліканскім бюджэце на 2012 год». Калі перавесці гэтую суму ў даляры па закладзеным курсе 9150 рублёў за даляр, атрымаецца, што рэзервовы фонд забярэ $237 мільёнаў.
Адлічэнні такога кшталту сталі штогадовымі, з 2007 года агульная сума ўжо перавысіла $1,5 мільярда.
Адлічэнні з бюджэту ў рэзервовы прэзідэнцкі фонд, мільярдаў рублёў (у дужках — эквівалент у далярах)
2012 — 2 165 ($237 мільёнаў)
2011 — 270 ($89 мільёнаў)
2010 — 2 760 ($927 мільёнаў)
2009 — 324 ($114 мільёнаў)
2008 — 217 ($99 мільёнаў)
2007 — 176 ($80 мільёнаў)
Паводле афіцыйнай інфармацыі, грошы з рэзервовага фонду ідуць на падтрымку таленавітай моладзі — выплату павышаных стыпендый, арганізацыю адукацыйных і забаўляльных мерапрыемстваў.
Таксама з прэзідэнцкага фонду фінансуюцца знакавыя будоўлі: напрыклад, у 2011-м гэта была рэканструкцыя Тэатра імя Янкі Купалы, а таксама будаўніцтва Цэнтра фрыстайла каля Акадэміі навук, якім апякуецца памочніца прэзідэнта Наталля Пяткевіч.
Звяртае ўвагу, што праз фонд у год прэзідэнцкіх выбараў прайшло нашмат больш грошай.
Хоць гэтыя будоўлі і фінансаваліся праз фонд прэзідэнта, на самой справе гэта былі грошы звыклых падаткаплатнікаў.
Добро пожаловать в реальность!